مدونة جعفر عبد الكريم الخابوري

البيض مهم للتسنين...بيرفع المناعه...بيزود طول البيبى...بروتين مهم لنمو الشعر...
� من إتمام السادس بنقدم للبيبى صفار البيض...نجربه ٣ ايام على الفطار
� لو تمام و مفيش أى تحسس...قدمى البياض عادى و جربيه برده ٣ ايام
� التوصيات الجديدة للجمعيه الامريكيه لطب الاطفال بتقول لك جربى بياض البيض قبل السنه.. علشان تقللى احتمالية حساسية البيض عند الأطفال....ده الكلام الجديد

� فى الاول اعمليه مسلوق...و الصفار قدميه على الزبادى مثلا
� على السابع تكونى جربتى زيت الزيتون.. اعمليه اومليت بنقطة زيت زيتون او قلبيه scrambled ...و فرفتيه بصباعك على الزبادى او فى فم الطفل عادى ...حسب القوام اللى معتاده

� من التاسع ممكن تقطعى الاومليت و يمسكه و ياكله

� ممكن تضيفى للاومليت افكار كتير....شيدر او برميزان مبشور....زعتر....فلفل الوان مبشور ناعم جدا جدا

� ممكن تعملى فرنش توست...يعنى تجيبى توستايه شوفان و تدهنيها بالبيض و تحطيها على طاسه فيها زيت زيتون وش و ضهر بسيط اوى و البيبى من التاسع يمسكها ياكلها و عليها اى اضافه (جبنة مثلا)

� ممكن تعملى منه patties بالبطاطس و الكينوا...هنزلها بالصور بتبقى حلوه اوى

� ممكن تستخدمى البيض فى وصفة كب الكيك للبيبى صحيه بالشوفان...و بتتساب فى الفريزر تطلعى منها وقت ما تحبى....بتبقى لذيذة و حتى الطفل الكبير بيحبها....
و يبقى اكل شوفان و مكسرات مطحونه و تمر و اى اضافة تحبيها...هسيب الوصفه بتاعتها فى اول تعليق

تسلم ايديكم...و تعيشوا و تأكلوهم كل حاجه حلوه

البيض لابد يستوى جيداً للاطفال و الحوامل